Американскиот потпретседател Џозеф Бајден, кој од синоќа престојува во Москва, денеска ќе се сретне со рускиот претседател Дмитри Медведев. Тие ќе разговараат за натамошното јакнење на билатералните односи, а меѓу главните теми ќе бидат и противракетната одбрана во Европа и влегувањето на Русија во Светската трговска организација. Бајден денеска ќе го посети и рускиот истражувачки центар, кој треба да биде нивна „Силиконска долина“. Утре ќе се сретне со лидерите на опозицијата и со претставници на граѓанското општество, а ќе има и говор на московскиот универзитет.