Турскиот премиер Реџеп Таип Ердоган денска демантираше дека се обидува да ја задуши слободата на медиумите, откако западните влади и меѓународните групи за заштита на правата на медиумите изразија загриженост поради минатонеделното апсење на седуммина турски новинари. Тие се притворени под сомнение за поврзаност со ултранационалистичката организација „Ергенекон“, која е обвинета за подготвување на државен удар. Турските новинарски организации тврдат дека повеќе од 60 професионалци се во затвор и ја обвинуваат власта за покревање обвиненија без обезбедување доволно докази.
