Американскиот потпретседател Џо Бајден денеска се сретна со претседателот на Финска, на првиот ден од неговата европска тура, при која ќе ја посети и Русија. Бајден со претседателот Тарја Халонен разговарал за меѓународни прашања вклучувајки ги состојбата во Авганистан и настаните во северот на Африка. Предвидено е американскиот потпретседател денеска да се сретне и со финскиот премиер на работен ручек, по што ќе отпатува кон Москва.
