Групната маска „Индијанците од Тутулен“ од учениците од селото Мажучиште и од ОУ „Климент Охридски“ е избрана за најдобра маска на Меѓународниот карневал „Прочка 2011“ што денеска се одржа во Прилеп. Организаторите, локалната самоуправа и здружението „Прилепски мечкари“, се задоволни од годинашниот карневал и сметаат дека е постигната целта - продолжување на традицијата и обновување на обичаите. Карневалските свечености продолжуваат и вечерва со забавите под маски во кафулињата и рестораните.
