Најмалку триесетмина загинале во немирите во градот Ал Завиах, јави новинската агенција „Ројтерс“, повикувајки се на локални извори. Градот лоциран на 500 километри од Триполи по втор пат е под напад на силите на лидерот Муамар Гадафи, откако претходно анти-владините демонстранти успеаа да го одбранат населеното место од напад со тенкови и тешка артилерија. Жителите на Ал Завиах избегале од домовите поради немирите. Во меѓувреме, демонстрантите од источниот дел на земјата најавија офанзива кон главниот град на земјата.
