Европската комисија ќе обезбеди 470 милиони евра финансиска помош за Украина за подобрување на владеењето на правото и доброто управување во земјата. Договорот за помош го потпишаа еврокомесарот за проширување Штефан Филе и украинскиот вицепремиер Серхиј Клујев. Вицепремиерот е во официјална посета на Брисел на дискусии за договорот за асоцијација и слободна трговија меѓу Украина и Европската унија.