Американскиот државен секретар Хилари Клинтон денеска во Женева ќе се сретне со клучните европски лидери на разговори за кризата во Либија. Клинтон ќе има обраќање и во Советот за човекови права на Обединетите нации, чии членови сакаат да ја исклучат Либија од оваа организација.Советот за безбедност веќе воведе санкции против либискиот лидер Моамер Гадафи и неговото семејство, и воведе ембарго за оружје . Американскиот претседател Барак Обама го повика либискиот лидер Моамер Гадафи да поднесе оставка и изјави дека Гадафи ја загубил легитимноста, поради насилството против неговите граѓани.