Меѓународниот ден на мајчиниот јазик оваа година е посветен на употребата на информациски и комуникациски технологии за заштита и промоција на јазиците и јазичната различност. Генералниот директор на УНЕСКО Ирина Бокова во годишната порака вели дека новите технологии обезбедуваат нови начини за следење, истражување и учење на јазиците и дека успехот од електронското издание на Атласот на УНЕСКО за загрозените јазици во светот покажува колку е моќен интернетот за следење на состојбата на јазиците и повеќејазичноста.
