Кинеските власти денеска ги растуриле протестите во Пекинг и Шангај по онлајн повикот за отпочнување на „Јасмин револуција“ во земјата по моделот на демонстрациите за демократија во Блискиот Исток. Неколку демонстранти биле уапсени додека се обидувале да положат бели јасмини. Неколку десиденти и активисти за човекови права исто така биле уапсени пред протестите. Властите исклучиле неколку мобилни телефони и сервиси за испраќање пораки, а цензурирале и некои интернет постови поврзани со демонстрациите.
