Европската Унија и Меѓународниот Монетарен Фонд и одобрија дополнителни 15 милијарди евра на Грција, но предупредија дека планот за финансиско заздравување може да пропадне доколку владата во Атина не ги забрза фискалните реформи. Грција веќе ја намали јавната потрошувачка, ги замрзна пензиите и ги зголеми даноците за да ги исполни условите за добивање на пакетот од 110 милијарди евра помош и да го избегне банкротот.
