Претседателот на РМ Ѓорге Иванов, кој денеска ја завршува дводневната посета на Чешка, ќе има средба со премиерот на оваа земја Петр Нечас, како и со повеќе чешки бизнисмени. Предвидено е претседателот Иванов да посети и повеќе културно-историски споменици. Вчера тој се сретна со својот домаќин и колега Вацлав Клаус, кој по нивната средба изјави дека Чешката Република ја поддржува интеграцијата на Македонија во Европската унија.