Египетските безбедносни сили повторно се распоредени низ улиците на земјата, по синоќешните грабежи за време на анти-владините протести. Војската во изминативе пет дена ги чуваше клучните владини згради, меѓу кои и министерството за внатрешни работи, а полицијата вчера не беше присутна на улиците во Каиро, Александрија, Суез и другите градови. Војската и полицијата сега се целосно активни за да се спречи безредието во земјата.
