Горниот дом на рускиот парламент денеска го одобри договорот со Соединетите држави за намалување на нуклеарното оружје, познат како нов СТАРТ. Вчера тоа го стори и руската Дума, а американскиот Сенат договорот го одобри во минатиот месец. Договор што во април лани во Прага беше потпишан од претседателите на двете земји Дмитри Медведев и Барак Обама ќе стапи во сила во наредниве неколку недели, односно по размената на ретификуваните документи. Со новиот СТАРТ се намалува бројот на нуклеарните глави за 30 насто и ги лимитира страните да поседуваат по 1550 стратегиски ракети.