Португалскиот претседател Анибал Кавако Силва е реизбран на функцијата по првиот изборен круг, покажуваат официјалните резултати. Тој освоил околу 53 отсто од гласовите. Неговиот главен противкандидат, поетот Мануел Алегре освоил помалку од 20 отсто од гласовите на вчерашното гласање. На гласање излегле помалку од половина од регистрираните избирачи. Претседателот во Португалија нема големи овластувања и има повеќе церемонијална улога.