Азербеџанското министерство за одбрана соопшти денеска дека ерменските сили убиле еден нивен војник во близина на спорниот регион Нагорно Карабах. Според министерството 21 годишниот војник бил застрелан кога ерменските сили отвориле оган кон азербеџанските сили на линијата која ги дели двете страни од крајот на конфликтот во регионот 1994 година. Тензиите околу Карабах се појавија во минатата година, поради застојот на мировните преговори.
