Известувачот на Европскиот парламент за Косово Урлике Луначек изјави дека би требало многу сериозно да се разгледаат предлозите на некои косовски партии кон крајот на годината да се одржат нови паралментарни избори поради многубројните нeправилности на гласањето во декември. Таа за Радио телевизија Косово додаде дека ги следела повторените избори во некои општини во неделата и оти притоа забележала манипулации. Лидерот на Демократскиот сојуз на Косово Иса Мустафа побара повторување на изборите и формирање техничка влада.
