Авганистанските власти соопштија дека Техеран не го почитува договорот за прекин на забраната за стотици цистерни со гориво да ја поминат границата на Иран за да влезат во Авганистан. Во соопштението од кабинетот на авганистанскиот претседател ХАмид Карзаи е изразено жалење затоа што и покрај ветувањето, овој проблем не е решен. Претходно Техеран го забрани транспортот на гориво за Авганистан преку Иран поради стравувања дека тоа гориво е наменето за американските и меѓународните воени сили во земјата за борба со Талибанците.