Американскиот претседател Барак Обама изјави дека лидерите на терористичката Ал – каеда се под поголем притисок од било кога и се кријат во граничниот регион меѓу Авганистан и Пакистан. Обама ја даде изјавата во рамките на своето обраќање по повод едногодишната комеморација на смртта на седум оперативци на ЦИА, кои загинаа во напад на американска база во Авганистан. Седуммината го покажале значењето на честа, рече американскиот претседател.