Претседателот на Јужна Кореја Ли Мјунг Бак повика на обновување на меѓународните преговори за затворање на нуклеарната програма на Северна Кореја. Тој предлага шестпартитните преговори да продолжат идната година и на нив да учествуваат двете Кореи, Јапонија, Кина, Русија и САД. Пјонгјанг пред две години ги прекина овие преговори, чија цел е прекинување на нуклеарната програма, во замена за економско и дипломатско признавање на земјата.
