Давутоглу бара извинување од Израел

Турскиот министер за надворешни работи Ахмет Давутоглу изјави дека Турција сака подобрување на односите со Израел, но очекува од Тел Авив да и се извини на Анкара и да и понуди отштета за нападот врз хуманитарниот конвој за Појасот Газа, во кој беа убиени деветмина турски активисти. Односите меѓу двете земји ги залади критиката на Анкара за начинот на кој Израел се однесува со Палестинците, а дополнително се влошија по нападот на израелските командоси врз хуманитарниот конвој за Појасот Газа.