Косовскиот премиер Хашим Тачи изјави дека сака независна истрага за да се „растера маглата“ по обвинувањата дека предводел убиства на луѓе и продажба на органи од киднапирани цивили. Тој изјави за американски медиуми оти нема што да крие и додаде дека косовските власти ќе бидат кооперативни во истрагата по обвинувањата од Дик Марти, известувач на Советот на Европа дека ОВК убивала голем број Срби, како и Албанци на Косово и ги продавала нивните органи. Сето тоа е магла и јас ќе работам на тоа да ја растерам, изјави Тачи. Според него, обвинувањата се насочени кон „поткопување на косовската декларација за независност од 2008 година“
