Новите снежни врнежи предизвикуваат големи проблеми во авио-сообраќајот во Европа. И денеска повеќето летови од Лондон, Париз, Франкфурт, Амстердам и Брисел се одложени. Илјадници патници нервозно шетаат низ терминалите, а некои од нив веќе трет ден се заглавени на аеродромите. Во Британија е покрената и истрага за тоа дали компанијата која управува со аеродромот Хитроу ги превзела сите потребни мерки за отстранување на снегот и за работа во зимски услови.
