Претседателот на Собранието на Македонија Трајко Вељаноски од денеска ќе престојува во дводневна официјална посета на Израел, на покана на неговиот израелски колега Реувен Ривлин. Ова е прва официјална посета на македонски претседател на Собранието на Израел. Предвидено е Вељаноски да се сретне со вицепремиерот и министер за надворешни работи на Израел Авигдор Либерман. Делегацијата од Собранието ќе го посети и Меморијалниот центар на холокаустот „Јад Вашем“. За време на посетата на Ерусалим, Вељаноски ќе биде примен и од изралескиот претседател Шимон Перес.