Американскиот Сенат денеска ја почнува дебатата за новиот договор за намалување на нуклеарното оружје со Русија. Вчера, со 66 гласови за и 32 против, Сенатот одлучи да почне процесот за ратификација на новиот договор за намалување на стратешкото оружје, односно новиот СТАРТ. Претседателот Барак Обама изјави дека ратификацијата на договорот е врвен приоритет. Сепак, Републиканците изразуваат загриженост дека договорот ќе ја ограничи ракетната одбрана на САД.