Денеска во Скопје ќе биде одржан состанок на Партнерската комисија во рамките на Јадранската Повелба на кој ќе присуствуваат шефовите на дипломатиите на Македонија, Хрватска, Албанија, БиХ, Црна Гора и амбасадорот на САД во Скопје. Во соопштението на македонското министерство за надворешни работи е наведено дека се поканети и министрите на Србија и на Косово. На состанокот ќе се разговара за евроатланската интеграција на регионот по Самитот на НАТО во Лисабон. Црна Гора денеска ќе го преземе од Македонија шестмесечното претседавање во Јадранската повелба.
