Руската полиција денеска ја подигна готовноста на највисоко ниво поради повикот за вооружување на ултранационалитичкото движење против муслиманските доселеници. Организацијата наречена „движењето против илегални имигранти“ им порача на жените и децата во Москва да останат дома а руските мажи да се вооружат и в среда да излезат масовно на улиците. Ваквите повици за пресметка меѓу националистите и вооружени банди од рускиот Северен Кавказ се објавени на интернет. Во последниве две недели етничките тензии во регионот се во пораст по убиството на фудбалерскиот навивач на Спартак.
