Италијанскиот премиер Силвио Берлускони, на денешното гласање во горниот дом на Парламентот, Сенатот, очекувано ја доби довербата, бидејки таму има мнозинство неговата коалиција. Следува гласање во долниот дом, каде што, доколку му биде изгласана недоверба, ќе мора да си поднесе оставка. Во долниот дом Берлускони нема безбедно мнозинство по раскинувањето на коалицијата со претседателот на парламентот Џанфранко Фини.
