Австриските власти соопштија дека поранешниот хрватски премиер Иво Санадер може наскоро да се соочи со судско сослушување поврзано со неговото екстрадирање поради сомневања за корупција. Јавното обвинителство соопшти дека истражниот судија треба да го праша Сандер дали се согласува со екстрадиција, и доколку не се согласи целиот процес може да се забави. Во соопштението е наведено дека обвинителството се уште ги чека документите од хрватските власти. Австриската полиција вчера го притвори Санадер по меѓународна потерница.
