Во неколку градови во Шпанија за денеска попладне се најавени протести на кои ќе се бара ослободување на основачот на Викиликс, Џулиан Асанж од затвор и деблокирање на неговата сметка во Швајцарија. Според шпанската верзија на Викиликс, демонстрации биле предвидени и во Холандија, Колумбија, Аргентина, Мексико и Перу. Асанж е притворен во Велика Британија, а на 14-ти овој месец ќе се решава за неговата евнтуална екстрадикција во Шведска каде што е обвинет за силување.
