Основачот на Викиликс, Џулијан Асанж ден по неговото апсење во Лондон застана во одбрана на сајтот. Тој во неговиот текст во еден австралиски весник објави дека на демократијата и се потребни силни медиуми, кои ќе ги натераат владите да раководат чесно и тоа е улогата и на Викиликс. Тој негираше дека доверливите документи кои се објавени на сајтот загрозиле нечии животи. Асанж е во притвор, бидејќи е обвинет за секусален напад. Потпаролот на сајтот соопшти дека неговото апсење е притисок врз слободата на медиумите.