Авганистанската изборна комисија денеска ги објави резултатите од септемвриските парламентарни избори. Над милион и триста илјади гласови, речиси една четвртина, беа поништени како неважечки, а вкупно 24 кандидати, кои претходно беа прогласени за победници, се дисквалификувани. Не се готови резултатите од провинцијата Газни, поради технички проблеми. Околу 2 ипол илјади кандидати, вклучувајки и 400 жени, се натпреваруваа за 249-те места во Парламентот.
