Еврокомесарот за проширување Штефан Филе денеска во Берлин изјави дека е оптимист за евроинтеграцијата на Македонија и за решавањето на прашањето за името. Тој додаде дека ако ова прашање се реши, чист е патот за почеток на пристапните преговори, јавуваат новинските агенции. Филе истакна дека според искуството од минатото новите членки треба да бидат примени тогаш кога ќе бидат комплетно подготвени, а додека тие го финишираат исполнувањето на критериумите, старите членки треба да се справат со замореноста од проширувањето.
