Рускиот претседател Дмитри Медведев денеска во Москва се сретна со неговиот словенечки колега Данило Тирк. Медведев по средбата изјави дека соработката на Русија и Словенија во реализацијата на Јужниот Тек се одвива добро и изрази надеж дека овој проект ќе се реализира според планираниот рок. Тој додаде дека Јужниот Тек е еден од факторите за соединување и поставување на подобри услови за развој на европските држави.
