Македонскиот претседател Ѓорге Иванов синоќа се сретна со неговиот хрватски колега Иво Јосиповиќ, пред почетокот на конференцијата на хрватската академска истражувачка мрежа во Сплит. Двајцата претседатели се согласиле дека Македонија и Хрватска немаат отворени прашања и оти политичките и економските односи меѓу двете земји се одлични. Тие разговарале и за евроинтегративните процеси, како и за состојбите во регионот и унапредување на економската соработка.
