Еврокомесарот за проширување Штефан Филе изрази подготвеност заедно со претседателот на Европската Комисија, Жозе Мануел Баросо да дадат свој придонес во преговорите за спорот со името меѓу Македонија и Грција доколку тоа се побара од нив. Филе на синоќешната Комисија за надворешни работи на Европскиот парламент изјави дека дирекните контакти на премиерите на Македонија и Грција може да донесат промени и решение на проблемот со името, но додаде дека не сака да се впушта во дискусија кој е во прво а кој не е во спорот. Тој испрати порака до премиерите на двете земји дека треба да бидат свесни за влогот кој е во игра.
