Република Македонија денеска во Стразбур ќе го предаде претседавањето во Комитетот на министри на Советот на Европа на идниот претседавач Турција. Примопредавањето ќе се изврши на 1097-от состанок на Комитетот, со што Македонија ќе го заврши шестмесечното претседавање со раководниот орган на најстарата пан-европска организација за заштита на човековите права, демократијата и владеењето на правото. Министерот за надворешни работи Антонио Милошоски во својство на претседавач ќе се осврне на активностите и настаните кои македонското претседателство ги реализираше во изминатиот период.