Американскиот претседател Барак Обама изјави денеска во Мумбаи дека Пакистан напредува во борбата против тероризмот, но не доволно брзо. Обама вели дека разбира оти проблемите со екстремизмот во Пакистан се многу големи и дека земјата презема определени мерки , но како што вели „ работите не се одвиваат толку брзо како што сакаме“. Овие забелешки следуваат откако Обама го посети местото на терористикиот напад во 2008-мата година за кој се верува дека го извршиле екстремистички групи обучени во Пакистан.
