Претседателите на Франција и на Кина Никола Саркози и Ху Џинтао на разговорите во Ница ги усогласиле ставовите за реформа на меѓународниот монетарен систем, јавуваат агенциите, повикувајќи се на француски дипломатски извори. Главна тема на вториот ден на посетата на шефот на кинеската држава на Франција бил самитот на Групата 20 индустриски земји што за неколку дена ќе се одржи во Јужна Кореа.
