Околу 500 луѓе се собраа пред московскиот театар Дубровка во сеќавање на жртвите од заложничката криза во 2002 година. Собраните положија цвеќе пред театарот и одржаа верска церемонија.
На 22 октомври во 2002 година, педесетина чеченски терористи упаднаа во театарот за време на претстава и зедоа околу 900 луѓе како заложници. Четири дена подоцна, руските специјалци пуштија гас во театарот и упаднаа во него.
Во акцијата беа убиени сите терористи, но загинаа и 130 заложници, од кои 10 деца. Повеќето од заложниците умреле од труење со гасот.