Шефот на белгиската дипломатија Стевен Ванакере, како претседавач со Европската Унија, изјави денеска во Луксембург дека очекува министрите за надворешни работи на Унијата да го одобрат наредниот чекор за кандидатурата на Србија за членство. И шефицата за надворешна политика Кетрин Ештон, пред денешниот состанок истакна дека е добро што Европската Унија заедно со Белград и со Приштина работеше на дијалогот за косовскиот проблем. Шефовите на дипломатиите на Европската Унија денеска треба да решат дали кандидатурата на Србија за членство во Унијата ќе и ја проследат на Европската Комисија.
