Премиерот на Црна Гора Мило Ѓукановиќ денеска изрази очекување дека Европската унија во ноември ќе ја одобри црногорската кандидатура за членство во Унијата. На заедничката прес конференција во Љубљана со словенечкиот премиер Борут Пахор тој додаде дека се надева и на старт на претпистапните разговори. Пахор, од своја страна оцени дека економската криза имала извесно влијание врз брзината на проширувањето на Унијата, но оти од проширувањето не добиваат само земјите од Балканот, туку и Европската унија.
