Во неговиот стан во Загреб денеска бил уапсен поранешниот благајник на владејачката Хрватска демократска заедница и актуелен шеф на хрватската царинска служба Младен Баришиќ, јавија хрватските медиуми. Баришиќ е познат по своето пријателство со поранешниот премиер Иво Санадер. Медиумите истакнуваат дека Санадер и Баришиќ државните претпријатија ги третирале како извор на пари за нивната партија.
