Министерката за внатрешни работи Гордана Јанкулоска изјави дека нема причина за полицијата да реагира во справувањето со вахабистите. Таа рече дека полицијата континуирано ги следи состојбите поврзани со радикалните движења кои би можеле да се сметаат како индикатор за поголема закана, но оти до сега не постојат сериозни закани за безбедноста. МВР располага со квлитетни безбедносни информации и доколку се појави потреба соодветно ќе реагира, уверува Јанкулоска.
