Европскиот комесар за проширување Штефан Филе денеска во Белград, како што е најавено, треба да ги поттикне српските политичари да се соочат со клучните предизвици на патот кон Европската унија, вклучувајќи ја и соработката со Хашкиот трибунал. Филе изрази надеж дека членките на Унијата многу брзо ќе постигнат согласност да побараат мислење од Европската комисија за подготвеноста на Србија да добие статус за членство во Унијата.
