Потпретседателот на делегацијата на Европскиот парламент за Југоисточна Европа и известувач за Србија, Јелко Кацин во Брисел изјави дека е отворено ново поглавје во односите меѓу Србија и Европската унија со заедничката резолуција за советодавното мислење на Меѓународниот суд на правдата. Во Србија според Кацин во последните десет години се спроведени многу реформи, но тој смета дека уште во многу области е неопходно да се извршат структурни промени.
