Ирак потпиша договор со САД за обесштетување на американските државјани кои биле малтретирани од страна на режимот на Садам Хусеин, во текот на заливската војна во 1990 и 1991. Во 1990 година, ирачките власти заробиле многу Американци, кои потоа биле користени како жив штит за да ги одвратат сојузничките бомбардирања. Дел од нив се жалат и дека биле мачени. Според договорот, Ирак ќе треба да им исплати на жртвите околу 400 милиони долари.