Македонскиот претседател Ѓорѓи Иванов во придружба на шефот на дипломатија, Антонио Милошоски денеска во Брисел ќе се сретне со претседателот на Европскиот Совет Херман Ван Ромпуј и со претседателот на Претставничкиот дом на Кралството Белгија, Андре Флау. Вчера Иванов се сретна со претседателот на Европската Комисија, Жозе Мануел Баросо со кого разговараа за спорот со името и евроинтеграциите на Македонија. Баросо по средбата изјави дека сега е време да се донесе одлука во врска со прашањето за името. Тој додаде дека дека сега има подобра клима меѓу двете земји и затоа нагласи дека е поуверен од претходно дека може да се стигне до решение во наредните неколку месеци.