Свештеникот од Флорида, Тери Џоунс се откажа од планот јавно да запали копии од исламската света книга Куран по повод одбележувањето на годишнина од терористичките напади на 11 септември 2001-та. Тој изјави дека се откажува од таа идеја затоа што добил ветување дека џамијата нема да се изгради на местото на каде се урнаа кулите близначки во Њујорк по нападите , туку ќе се најде друга локација. Планот на свештеникот за палење на Куранот беше критикуван од многу верски и политички лидери вклучувајќи и го американскиот претседател Барак Обама кој изјави дека тој план е деструктивен и опасен трик.
