Стапката на невработеност во 16 земји од еврозоната и во јули беше 10 насто, покажуваат официјалните податоци на Евростат. Агенциите забележуваат дека ваквата висока стапка трае веќе пет месеци. Во еврозоната, според статистиката, имало 16 милиони невработени, додека на ниво на Европската унија во јули имало 23 милиони лица кои биле без работа. Шпанија и натаму е рекордер со стапка на невработеност од над 20 насто.
