Русија утре ќе почне да ја полни со гориво иранската нуклеарна постројка во Бушер, со што таа ќе почне да работи по неколку-годишно одлагање. Иран веројатно овој настан ќе го нагласува како доказ дека неговата нуклеарна програма е за мирољубиви цели. Но, според Соединетите Држави и другите западни земји, фактот дека во Бушер ќе се користи увезено гориво од Русија, покажува дека Иран нема потреба од збогатување ураниум, ако има мирољубиви цели.